Отчёт за субботу 15.10.2022
15.10.202215 кастрычніка ў нашай школе адбыўся чарговы занятак гуртка "Краязнаўства". Гурткоўцы сумесна з кіраўніком складалі пытанні анкеты для рэспандэнтаў - сваіх бабуль і дзядуль, мам і тат, каб сабраць інфармацыю для будучай даследчай работы "Вайна ў гісторыі маёй сям'і". У працэсе работы над праектам аказалася, што амаль у кожнага удзельніка гуртка прадзядуля/прабабуля ваявалі на фронце, прайшлі канцлагер, працавалі ў тыле для перамогі, былі остарбайтарамі ў нацысцкай Германіі, або нават загінулі на вайне... Захоўваць гістарычную спадчыну, шанаваць памяць пра родных, берагчы сямейныя рэліквіі, памятаць гісторыі пра сваіх блізкіх, якія перажылі вайну - вось такія мэты аб'ядноўваюць гурткоўцаў - вучняў 6-8-ых класаў. Гэта тое, што яднае сем' і, умацоўвае сувязь паміж пакаленнямі, усталёўвае сямейныя традыцыі, развівае навыкі работы з інфармацыяй і навукова - пошукавай дзейнасцю, згуртоўвае дзяцей і дарослых,фарміруе цікавасць і павагу да мінулага сваёй малой Радзімы.