Экскурсія ў Белавежскую пушчу

Прывітанне з  сапраўднай навагодняй казкі прывезлі для  ўсіх вучняў  маленькія падарожнікі з 2 класа. Вучні разам  з настаўніцай наведалі  старажытнейшую запаведную Белавежскую пушчу і рэзідэнцыю Дзядулі Мароза.

Казачныя  падарункі  ад  самой матулі прыроды пачаліся ячшэ на пачатку падарожжа. З раніцы кружыў бялюткі сняжок,  таму  старажытны  лес сустрэў дзяцей ва ўсёй сваёй зімовай прыгажосці. Грацыёзныя лані, магутныя зубры, прыгажуны-алені, нават мішка, які  ( як заўважылі самі вучні) прачнуўся, каб  сустрэць Новы  год, уразілі другакласнікаў. Пасля  наведвання  музея прыроды нарэшце  доўгачаканая   казка! Сустрэча  не  толькі з самым галоўным чараўніком і яго ўнучкай, а шматлікімі казачнымі героямі, запальванне першай у гэтым годзе навагодняй елачкі, падарункі ( без  іх і свята не свята!)  , прымерка  валёнак і рукавіцы Дзеда Мароза, загадванне пажаданняў ля млына пажаданняў ,магчымасць  паласавацца ў “Хаце Дзядулі Мароза “ стравамі беларускай  кухні – усё гэта і многае  іншае надоўга  застануцца ў памяці малят.

Цудоўнага  ўсім  Новага года і Каляд!