Мая родная мова, ганаруся табой!

На працягу верасня 2022 года ва ўстановах адукацыі рэспублікі праходзіць адкрытая дыстанцыйная паэтычнай акцыя «Мая родная мова, ганаруся табой!». 

Акцыя праводзіцца з мэтай развіцця творчага патэнцыялу вучняў, далучэння праз мову да культурных традыцый беларускага народа і прымеркавана да Тыдня роднай мовы.

Асноўныя задачы мерапрыемства:

➢ павышэнне цікавасці вучняў да вучэбных прадметаў «Беларуская мова», «Беларуская літаратура»;

➢ папулярызацыя паэтычных твораў на беларускай мове;

➢ выхаванне ў вучняў грамадзянскасці і патрыятызму;

➢ падтрымка творчых ініцыятыў;

➢ спрыянне развіццю інфармацыйнай культуры ўдзельнікаў акцыі.

Удзельнікам акцыі даецца магчымасць прадставіць на старонках нацыянальнага адукацыйнага партала відэаролікі  з запісамі выразнага чытання на памяць верша, які напісаны на беларускай мове.

З мэтай реалізацыі мерапрыемства на Youtube-канале нацыянальнага адукацыйнага партала адкрыта старонка для публікацыі відэаролікаў чытальнікаў.

У акцыі «Мая родная мова, ганаруся табой!» прыняла ўдзел Патрубейка Ульяна, вучаніца 9 класа, якая прачытала верш "Родны куточак".